နှင်းမိုး ရဲ့ ဘလော့လေးမှ ကြိုဆိုပါတယ်...

Saturday 17 July 2010

လမြတ်ဝါဆို

ဝါဆိုလသည် မြန်မာပြက္ခဒိန်တွင် လေးခုမြောက်လဖြစ်သည်၊ ရက်ပေါင်း ၃၀ရှိသော ရက်စုံလဖြစ်သည်၊ ၀ါထပ်သောယ္ခုနှစ်တွင်ပထမ၀ါဆို ၊ ဒုတိယ၀ါဆို ဟုနှစ်မျိုးခေါ်ဆို၍ ရသောလမျိုးဖြစ်သည်၊ မြန်မာစာပေ တို့တွင်ဝါဆိုလကို နွေတာလ ဟုလဲခေါ်ဆိုကြသည်၊ ၀ါဆိုလပြည့်နေ့သည် နွေကာလ၏ အဆုံးအဖျားကို ရောက်သောကာလဖြစ်၍ နွေတာလဟုခေါ်ဆိုသည်ဟု မှတ်သားရဘူးပါသည်။
မင်းကြီးစွာဆော်ကဲလက်ထက် မိဖုရားဖွားစော၏အလှူတော်ကျောက်စာတွင်
 { ဘုရားမြတ်မွန်၊ နှိဗ္ဗာန်လွန်ပြီး၊ သာသနာနှစ်၁၉၄၂ ၊ သက္ကရာဇ်၇၆၀ ၊နွေတာလဆန်း } ဟူ၍ရေးသားထားသောကြောင့် နွေတာလဟူသောအသုံးအနှုံးသည် ။ ပုဂံခေတ်မှစတင်သုံးစွဲလာသော အသုံးဖြစ်ကြောင်း မှန်းဆနိုင်ပါသည် ။  
ဝါဆိုဟူသောအမည်မှာ မြန်လူမျိုးဗုဒ္ဓဘာသာများရဲ့ ကိုးကွယ်ရာဖြစ်သော ရဟန်းသံဃာတော်များ (ဣမသ္မိံ ၀ိဟာရေ ဣမံတေမာသံ ၀ဿံဥပေမိ )ဟူ၍ရွတ်ဆို ၀ါကပ်သောလ ဖြစ်၍ ဤလကို ၀ါဆိုလဟုခေါ်ကြောင်းမှတ်သားဘူးပါသည် ။ ဤ၀ါဆိုလသည်နွေတာလဟူသော အမည်အပြင် ၊ မလွယ်တာလ၊ မြွတ်တာလ ၊ နွယ်တာလ ၊ နတ်ရှောင်လဟူ၍ ခေါ်ဝေါ်တတ်ကြပါ သေးတယ် ။ ထိုလေးခုထဲမှ ကျန်သုံးခုကိုမသိပေမဲ့ နတ်ရှောင်လဆိုတာကတော့ အသူရာနတ်မင်း  က သူ့သမီး သုဇာတာကို သိကြားမင်းခိုးသွားသဖြင့် သိကြားကို အငြိုးထားပြီး ပုန်းညက်ပန်းတွေပွင့် တိုင်း သိကြားမင်းနဲ့စစ်တိုက်ရာ ရှုံးသဖြင့်ထွက်ပြေးရသောလဖြစ်သောကြောင့် (ဒါမှမဟုတ်) သိကြားမင်းရဲ့ အန္တရာယ်ကို ရှောင်ရှားရာလ ဖြစ်သောကြောင့် နတ်ရှောင်လဟုလဲခေါ်ဆိုကြောင်း ပေါရာဏ ရှေးစကားတို့ကိုမှတ်သားဘူးပါသည် ။
{ဂျိုး ဂျိုမ့် ညံမာန်တင်းကာပ
၊ အသူရာသိကြားမင်းက စစ်ခင်း ခါပြိုင်ကြသည်၊
ဒီလဒီရာသီ } ဟူသောသီချင်းစာသားလေးက ဒီနတ်ရှောင်လကို ရည်ရွယ်ရေးသား ထားတာဖြစ်ပါတယ် ။ မဟာအတုလမင်းကြီးက၁၂လရာသီလွမ်းချင်းမှာဝါဆိုလရဲ့ရာသီအနေထား ကိုဒီလိုလေးမှတ် တမ်းတင် ထားခဲ့ပါတယ် ။
{ကိုးခွင်ငယ်မှိုင်းပါလို့ ၊
မြင်တိုင်းမှာတဲ့မဲညို ၊
လဲလဲငယ်စို ၊
ယုဂန္ဓိုရ် တောင်မဟာက ၊
ဗြုဗ္ဗာသဠ်ထွန်းတဲ့လကိုလေး} တဲ့ ရာသီမှိုင်းညိုတဲ့လမြတ်ဝါဆိုရယ်ပါ..။
ဝါဆိုလ၏ရာသီအနေအထားကို ရွှေပြည်ဝန်ကြီးဦးဘိုးလှိုင်ကသူ့ရဲ့ ဥတုဘောဇနသင်္ဂဟကျမ်းမှာ ဤကဲ့သို့ မှတ်တမ်းတင် ရေးသားထားပါတယ် ။ ၀ါဆိုဝါခေါင်ဤနှစ်လကို ၀ဿာနဥတုမည်၏ ၊ ဤ၀ ဿာနဥတု၌စိုစွတ်၏ ၊ ပူတုံအေးတုံရှိ၏ ၊ အိုက်၏ ၊ကောင်းကင်၌မိုးမပြတ်ရှိ၏ ၊အနောက်လေကျ တတ်၏ ၊ ကွမ်းဆေးစသောပိုး ၊မှတ် ၊ ခြင် ၊ ဖား အစရှိသည်တို့ပေါများကုန်၏ ၊ ထိန် ၊မအူ ၊လက် ထုပ် ၊ ဆပ်သွား ၊ မုလေး ၊ ပုန်းညက် ၊ စသောပန်းတို့သည်ပွင့်ကုန်၏ ၊ မြစ်တို့ရေလျှံကုန်၏ ၊ ရေ အိုင် ၊ရေကန် ၊ စသည်တို့၌ကြာဖြူ ကြာညိုတို့သည် ပွင့်ကုန်၏ ၊ မြေပြင်၌ မိုးရေတို့ဖြင့်မထင်ရှား သောကုန်းကြည်းရှိကုန်၏ ၊ စပါးပင်တို့ဖြင့်တင့်တယ်ကုန်၏ ၊ ဟူပြီး ဥတုဘောဇနသင်္ဂဟကျမ်းမှာ ရွှေပြည်ဝန်ကြီးကမှတ်တမ်းတင်ထားပါတယ် ။ 
ရာသီပန်း မြန်မာလ ၁၂လမှာ လတိုင်း သူ့လနဲ့သူ အမြဲပွင့်တတ်တဲ့လရဲ့ သင်္ကေတပန်းလေးတွေ မြန်မာ့ရေမြေ ပေါ်မှာပွင့်ဖူးတတ်ပါကြပါတယ် ။ ဒီလရဲ့ သင်္ကေတပန်းကလေးကတော့ ပုန်းညက်ပန်းပါ ၊ အခြားပန်း တွေလဲပွင့်ဖူးတတ်ကြပါတယ် ။ ဒါပေမဲ့ ပုန်းညက်ပန်းကသာ ထင်ရှားပါတယ် ၊ ဒါကြောင့် မဟာအတု လမင်းကြီးက သူ့ရဲ့၁၂လရာသီလွမ်းချင်းမှာ ဒီလိုလေးစပ်ဆိုပါတယ်
{ရေလျှံတဲ့လ၀ါဆိုမှာ ၊
ပုန်းညက် ညို ၊
  သင်းလှတယ်လေး } တဲ့ ။။။။
လူဦးမင်းနဲ့ဖိုးသူတော်ဦးမင်းရဲ့၁၂လရာသီဖွဲ့မှာတော့
 {ပန်းများလှစ် ကြူ ၊
မဉ္စူရွှေခတ် ၊
ပုန်းညက်ကြိုင်သင်း }လို့ရေးဖွဲ့ခဲ့ပါတယ် ။။။။
ကင်းဝန်မင်းကြီးရဲ့၁၂ရာသီပန်းဘွဲ့မှာ တော့
{ပုန်းညက်အနန်း ၊
နှင်းဆီးပန်းနှင့် ၊
စခန်းကြိုင်သင်း ၊
ရဂုံတွင်းမှာ} လို့စပ်ဆိုပြီး ။။။။
အမည်မသိ ရှေးပညာရှိတဦးကတော့
{နက္ခတ်မိုးယံ၊
ဗြုဗ္ဗာသာဠ်တို့ ၊
လတံနီလျှက် ၊
ရောင်ခြည်ယှက်က ၊
ပုန်း ညက်ထိန်ထိန် ၊
ပွင့်ချင်းလိမ်ခဲ့ } လို့ရေးသားစပ်ဆိုပြီး ၀ါဆိုလမှာ ပုန်းညက်ပန်းပွင့်ကြောင်းရေးသား ထားခဲ့ကြပါတယ် ။ ပန်းေ ပါင်းစုံတဲ့ လရယ်ပါ ။ 
နက္ခတ်နဲ့ပွဲတော် မြန်မာလတွေကို မြန်မာလိုအဆိုအားဖြင့် တန်ခူး ၊ ကဆုန် စသဖြင့် ဗေဒအလိုအားဖြင့် ခေါ်ဆိုကြ သော်လဲ ၊ သူရိယသိဒ္ဓန္တ နေသွား ၊ လသွားဗေဒင်ပညာများအရ ပြိဿ ၊ မြိဿ ဟုခေါ်ဆိုပါတယ် ။ ဒီ အမည်များကတော့ ဝေဒပညာအခေါ်လို့ ဆိုပါတယ် ။ ၀ါဆိုလရဲ့ အမည်ကိုတော့ ကာရကဋ် ရာသီ လို့ ခေါ်ဆိုပါတယ် ။ ကာရကဋ် ရာသီဟာ ရာသီရုပ်အနေနဲ့ ပုဇွန်လုံးလို့ခေါ်တဲ့ ဂဏာန်းကောင်ရဲ့ပုံပါ ။ ဒါကြောင့်ဝါဆိုလဖွားတဲ့လူများဟာ ရေကြိုက်ပါတယ် ။ တည်တည်ငြိမ်ငြိမ် အေးအေးချမ်းချမ်းနေတတ်ပါတယ်၊အများနဲ့နေထိုင်တာထက်တဦးတည်းသီးသန့်နေရတာကို ပိုမိုနှစ် သက် တဲ့လူမျိုးပါ။ဒီဝါဆိုလကိုရာသီအနေနဲ့ကာရကဋ်ရာသီခေါ်ဆိုကြသမို့မဟာအတုလမင်းကြီးက ၁၂ရာသီ ဖွဲ့လွမ်း ချင်းမှာ
ဆင်တာရာငယ် ၊
ရာသီကာရကဋ်နရိန္ဒာလဲ ၊
ကညာတောင်နတ်နှင့် ၊
ဖိုလ်မြတ်ကယ်နိဗ္ဗူ အောင်ဆုယူလို့ ၊
 ရှစ်ဖြူရိပ်စံ ပဉ္ဇင်းခံသောခါ }လို့ရေးသားစပ်ဆိုထားပါတယ် ကာရကဋ်ရာသီမှာ ကောင်းကင်မှာ ဆင်တာရာထွန်းလင်းတတ်ပါတယ် ။ မြေပြင်မှာတော့ ရဟန်းခံ ရှင်ပြုအလှူတွေ လုပ်ကြပါတယ် ၊ ဒါကြောင့် ရာသီပုံလဖွဲ့မှာလဲ
{၀ါဆိုကာရကဋ် ၊
ပုန်းညက် ၊
ပဉ္ဇင်းခံ ၊
ဗြုဗ္ဗာသဠ် ပုစွန်လုံး ၊
မုလေး မာလာပွင့်ကြရှာ} ဟူပြီး ရေးသားစပ်ဆိုပါတယ် ။
{ပဉ္ဇင်းတော်ပွဲ ၊
သဲသဲအုတ် အော် ၊
 ရွှင်ပျော်လှည့်ပတ် ၊
ကာရကဋ်} ဟု ရေးသားစပ်ဆိုထားသောကြောင့် ၀ါဆိုလရဲ့ နက္ခတ်မှာ ဆင်တာရာ(သို့) ဗြုဗ္ဗာသာဠ် နက္ခတ် ၊ ပွဲတော်မှာ ရှင်ပြုရဟန်းခံဟူ၍ ပုံသေမှတ်သားနိုင်ပါတယ် ။ 
ဝါဆိုနဲ့ဘာသာရေး
လယ်တီဆရာတော်ဘုရားကြီး ရေးသားတော်မူတဲ့ သုံးလူ့ရှင်ပင် ၊ ကျွန်းထိပ်တင် ၊ သောင်းခွင်စကြာ ၀ဠာ ၊ နတ်ဗြဟ္မာတို့ ၊ ညီညာရုံးစု အစရှိသာခုနှစ်နေ့ဘုရားရှိခိုးမှ
{၀ါဆိုလပြည့် ၊
ကြွက်မင်းနေ့ဝယ်
ချမ်းမြေ့ကြည်ဖြူ ၊
သန္ဓေယူသည် ၊
နတ်လူငြိမ်းဘို့ ၊
ကိန်းပါကိုယ် } ဆိုတဲ့လကာင်္လေးအရ ဗုဒ္ဓရှင် ပင်ဟာ ၀ါဆိုလမှာပဋိသန္ဓေယူခဲ့သလို ၊ {ဘုရားဖြစ်ခါ ၊
မိဂဒါသို့ ၊ ……၊
ဝါဆိုလပြည့်၊ စနေ နေ့ဝယ် ၊
ကြွေ့ကြေ့လျှံတတ် ၊
ဓမ္မစက်ကို ၊
မိန့်မြွတ်ထွေပြား ၊
 ဟောဖော်ကြားသည် ၊
တရားနတ် စည် ၊
ရွမ်းတယ်ကိုယ် } ဟုရေးသားစပ်ဆိုတော်မူသောကြောင့် ၀ါဆိုလပြည့်စနေ့မှာပင် ကုဋေနဲ့ချီ ပြီး သတ္တ၀ါတွေ ကျွတ်တန်းဝင်စေမဲ့ ၊စမ္မစကြာဒေသနာမြတ်ဟောတော်မူခဲ့ပါတယ် ။ ယခုဇေတို့မြင် တွေ့နေသော ၊ ရဟန်းသံဃာအဖွဲ့အစည်းကို ၀ါဆိုလမှာပင် ထူထောင်ခဲ့ပါတယ် ။ လောကမှာ ဘုရား ၊ တရား ၊ သံဃာ ဟူ၍ ရတနာသုံးပါး ဒီလမှာပင်ပေါ်ပေါက်ခဲ့လထူးလမြတ်ဖြစ်သလို ၊ မြန် မာဗုဒ္ဓဘာသာတို့ရဲ့ ရှာဖွေစုဆောင်းထားသော ငွေကြေးဥစ္စာတို့ဖြင့် သင်္ကန်းဝယ်ယူပြီး
(ဣမံ ၀ဿ ၀ါသိကစီဝရံ သံဃဿဒေမ ) ဟူ၍ သံဃာတော်အရှင်သူမြတ်တို့အားလှူဒါန်းသောလမြတ်တခုလဲ ဖြစ်ပါတယ် ၊ သီတင်းသီလစောင့်စတင်ဆောက်တည်ရာ လထူးလမြတ်ဖြစ်သလို ၊
{၀ါဆိုမည်ဆန်း၊
မြတ်သင်္ကန်း၊
လှူဒါန်းကြလေလျှင် ၊
သောတာပန်နှယ် ၊
ဂုဏ်ရည်ကြွယ် ၊
အပယ်လွတ်ကင်စင်} ဆို တဲ့ကဗျာလေးအတိုင်း ၀ါဆိုသင်္ကန်းကပ်လှူပူဇော်၍ အပယ်လေးပါး လွတ်ကင်းကြပါစေကြောင်း ဆုတောင်းရင်းဖြင့် ဟုတ်ကဲ့ ကျွန်တော်ဇေတာရာပါခင်မျာ…။

3 comments:

ချော(အစိမ်းရောင်လွင်ပြင်) said...

ဇေက ခုလို ဗဟုသုတရစရာတွေရေးတော့လဲ အဟုတ်သား
ဝါဆိုလရဲ့ အထိမ်းအမှတ်က ပုန်းညက်ပန်းလို့ ပြောရမယ်ထင်တယ်နော်
ဘယ်မှာဖြစ်ဖြစ် ဒီပန်းကို ထည့်ပြီးရေးဖွဲ့ထားတာ တွေ့ရတယ်
တို့ကလည်း ပုန်းညက်ပန်းကို သိပ်ကို သဘောကျတယ်
အနံ့ရော အဆင်းပါ ချစ်စရာကောင်းတဲ့ပန်း..
ဒီပိုစ့်ကလေးအတွက်ကျေးဇူးပါ..

မာရ်နတ် said...

ဂွတ်ဂွတ် စာပိုးစိုးပက်စက်ဖတ်မှပဲ ရေးနိုင်မှာ
လေ့လာတွားသည်

ကိုလူထွေး said...

သကြားမင်းကလည်း မိန်းမခိုးသကိုး...

းဝ)

(အမည်းပေါ်မှာ ရေးထားတဲ့ တချို့အရောင်တွေက ဖတ်လို့မရပါ)

အားလုံးပဲ ပျော်ရွှင်ဖွယ်နေ့လေးကိုပိုင်ဆိုင်နိုင်ပါစေနော်...