ဟဲ့… ငါ့စိတ်ညစ်နေတယ်…
အမ်… နင်လို အစစ အရာရာ အဆင်ပြေနေတဲ့ ကောင်က များ စိတ်ညစ်တယ်…အောင်မလေးတော်.. နင်ကတော့ လာလာချည်သေးတယ်…
ပြော… ဘာတွေများ စိတ်ညစ်နေတာတုန်းဟ…
ငါ့ကို အိမ်က ၀ိုင်းပယ်ထားကြတယ်ဟာ… ငါ မိသားစုက ငါ့ကိုလူရာ မသွင်းသလိုကြီးပဲ ဟ ။
အေးလေ.. နင်က လူမှ မဟုတ်တာ….. :P
ငါတကယ်ပြောနေတာဟ ။ ခုဆို အငယ်ကောင်ကတောင် ငါ့ကို မထီမဲ့မြင်ပြုလာတယ်..။ ငါက ညီ ဆိုပြီးမပြောချင် လို့နေနေတာဟာ…။ ပြီတော့ အမေကလဲ အဲကောင်ကိုထိရင် ဆတ်ဆတ်ထိမခံ ဆိုတော့ဟာ ။ အမကလဲ နင်က ဘာမှသုံးစားလို့ မရပါဘူးဆိုတာပဲ ပြောနေတယ် ။ ကိုကြီးကလဲ မင်းဘာသာ မင်းအေးဆေးနေပါတဲ့..။ အမေက လဲ ဟိုအကောင် ဘာပြဿနာ ရှာအုံးမလို့လဲ ဆိုတာကြီးပဲ..။ ငါဘာမှားလို့ လဲ..။ အဖေ တယောက်ပဲ ငါကိုနားလည်ပေးတယ် ။ ငါလဲ ငါနေတတ်သလိုနေတယ်…။ ငါ့ပြဿနာကို ငါ့ဘာသာငါ ရအောင် ဖြေရှင်းတယ် .. ။ဘယ်တော့မှ အိမ်က မလိုက်ရအောင် ကိုယ့်ဘာသာကိုယ် ဖြေရှင်းတယ်… ။ ငါဘာမှားနေတာလဲ ။ သူတို့က ငါကိုပြောတာ မိသားစုနဲ့ တိုင်တိုင်ပင်ပင် မနေဘူး ။ အမြဲမိသားစုအပြင် ထွက်နေတာကြီးပဲ တဲ့ ။ ငါတကယ်ပဲ အသုံးမကျတဲ့ ကောင်ဖြစ်နေပြီလားဟာ…။ ငါလေ ငါ့မိသားစုကို အရမ်းချစ်တယ်…ဒါပင်မဲ့ သူတို့သိအောင် မပြောပြတတ်ဘူး..။ မပြောပြချင်ဘူးဟာ..။
သူပြောတဲ့ စကားတွေကြားပြီးနောက်မှာ ကျွန်မတွေဝေသွားပါတယ်…။ သူလိုလူတွေ ဘယ်လောက်တောင်ရှိနေလဲပေါ့..။ သူဟာ သူ့မိသားစုကို အလွန်ချစ်ရှာပါတယ် ။ဒါပင်မဲ့ သူ့အချစ်တွေကို ထုတ်ဖေါ်ပြောလေ့ မရှိပါဘူး ။ ချစ်ခြင်းမေတ္တာဆိုတာ ထုတ်ဖော်ပြမှ အသက်ဝင်တာလား..။ တိတ်ဆိတ်စွာ နေခဲ့ရင်ကော အေးစက်သွားတတ်လား။ ကျွန်မ အဖေ နဲ့ အမေ ကို ချစ်တယ်လို့ တခါမှ မပြောဖူးပါဘူး ။ သူတို့လဲ ကျွန်မရှေ့မှာ တခါမှ ထုတ်ဖော်မပြောဖူးပါဘူး..။ ဒါပင်မဲ့ သူတို့ကျွန်မ ကိုဘယ်လောက်ချစ်တယ်ဆိုတာ ကျွန်မ ခံစားသိရှိပါတယ်..။ ကျွန်မလဲ အဖေ နဲ့ အမေကို သိပ်ချစ်ပါတယ်..။ ကျွန်မ ကိုကို တွေနဲ့ ဒီလို အပြန်အလှန်ပါပဲ..။ ထုတ်ဖော် မပြောပင်မဲ့ အားလုံး ခံစားနားလည်ကြပါတယ်…။ ဒါပင်မဲ့ တခါတလေ ကျွန်မတို့ လျစ်လျူရှူခဲ့တာတွေ ၊ မသိချင်ယောင်ဆောင်ခဲ့တာတွေ ရှိကောင်းရှိနိုင်ပါတယ်…။
ကျွန်မ ဒိုင်ယာရီမှာ ကူးမှတ်ထားတဲ့ ကဗျာတပုဒ်ကိုပြန်ရှာတွေ့လိုက်ပါတယ်…။ စိုင်းဝင်းမြင့်ရေးတဲ့ မိသားစု ဆိုတဲ့ကဗျာလေးပါ..။
မိသားစု
မိသားစုဆိုတာ
တယောက်ရှေ့ရောက်ဖို့
တယောက်နောက်ဆုတ်ရတယ် ။
သစ်ကိုင်းတစ်ကိုင်းထိုးထွက်ဖို့
သစ်ကိုင်းတစ်ကိုင်း အခုတ်ခံရတယ် ။
မိသားစုသီချင်းဟာ အတက်အဆင်းရှိတယ် ။
သံစုံမြည်တယ် ။
မိသားစုဆိုတာ
လူခြောက်ယောက်ရှိရင် လူခြောက်ယောက်
လက်ဆယ်ချောင်းရှိရင် လက်ဆယ်ချောင်း
ခေတ်ကတောင်းဆိုတဲ့ အတိုင်းလှုပ်ရှားရတယ်
အိမ်ရှိလူကုန် ။
မိသားစုဆိုတာ
ရှင်သန်ဖို့ အတွက်အဆက်မပြတ်တိုက်ပွဲ ၀င်ရတယ်
ရန်ကုန် ဟာစစ်မြေပြင် ။
လဲကျသွားတဲ့ ငါ့အဖေနေရာကို
ငါ့ညီလေး ၀င်ခဲ့တယ်
ယိုင်နဲ့သွားတဲ့ ငါ့အမေနေရာကို
ငါ့ညီမလေးဝင်ခဲ့တယ်
မိသားစုကိုငါမမြင်ခဲ့ဘူး ။
ငါ့အတွေးအခေါ်က
သားသမီးဆိုတာ သီးခြားရှင်သန်ရတဲ့ ဘ၀တစ်ခု ။
ငါဟာလမ်းပေါ်မှာ ကြီးပြင်းခဲ့လို့
လမ်းနဲ့ သွေားသားတော်စပ်တယ်လိ်ု့ ထင်တယ် ။
ငါ့မိသားစုမှာ ငါဟာ မလင်းတဲ့ မီး
ငါ့မိသားစုမှာ ငါဟာ မလုံခြုံတဲ့ ထရံ
ငါ့ကြိုးကို တီးခတ်လိုက်တိုင်း သံကြောင်ထွက်တယ်
ငါ့မိသားစုမှာ
မိုးယိုပေါက်လေး တစ်ပေါက်ရှိနေတယ်ဆိုလည်း
ငါပဲဖြစ်မှာ
ငါ့မိသားစုမှာ
ကြမ်းခင်းတစ်ချပ် ကြိုးပဲ့နေတယ်ဆိုလဲ
ငါပဲဖြစ်မှာ
မအောင်မြင်တဲ့ ဘောလုံးအသင်းဟာ ငါ့မိသားစုပဲ
မ၀င်တဲ့ ဂိုးတွေ ငါသွင်းခဲ့တာ ။ ။
ဒီကဗျာလေး စိတ်ထဲ ရှိသလို ခံစားနားလည်နိုင်ပါတယ်….။ အားလုံးပဲ နွေးထွေးပျော်ရွှင်တဲ့ မိသားစုလေးကို ပိုင်ဆိုင်နိုင်ပါကြစေ………။ ။
3 comments:
ညီမရေ..
အင်း ခေတ်ပျက်ထဲက ကဗျာကောင်းတပုဒ်ရယ်.. နောက် ချစ်ခြင်းမေတ္တာကို ဖော်ထုတ်ဖို့ ဝန်လေးတဲ့ မိသားစု လေး အဖြစ် မြင်နေမိတာပဲ.. ။
ကျွန်မတို့ မေတ္တာ တရားတွေ အတွက် ပြတက်ဖို့ သိစေဖို့ ကျိုးစားရပါဦးမည်..။
မဗေဒါ (၈၈)
တခါတရံမှာတော့ဖွင့်ဟမပြောဖြစ်ပေမဲ့ရင်ထဲမှာ
လှိုက်လှိုက်လှဲလှဲရှိနေတဲ့ချစ်ခြင်းမေတ္တာတွေကိုမသိ
နိုင်ကြဘူး။ဖွင့်ဟမပြောပေမဲ့လည်းနက်ရှိုင်းတဲ့စိတ်နဲ့
ချစ်ခြင်းတရားတွေရှိနေပါတယ်။မိသားစု၊ချစ်သူ၊ဆွေမျိုး၊
အချင်းချင်းကြားထဲမှာတယောက်နဲ့တယောက်ရဲ့ချစ်ခြင်း
မေတ္တာကိုအလိုလိုသိနိုင်တဲ့စိတ်ခံစားမှုမျိုးလိုတယ်နော်။
ညီမလေးလည်းပျော်ရွှင်ချမ်းမြေ့ပါစေ...
ခင်တဲ့
မသဒ္ဓါ
ညီမလေးရေ
မိသားစုတွေမှာ ခုလိုအဖြစ်အပျက်တွေက ဖြစ်လေ့ရှိပါတယ်..
ပြီးတော့ အချစ်ဆိုတာ ရင်ထဲမှာ ရှိယုံနဲ့ မလုံလောက်ဘူး
ထုတ်ဖော်သင့်ရင်ဖော်ပြရတာပါဘဲ
ဒါမှပိုနွေးထွေးတာလေ
ပြောလို့သာပြောသာ
အစ်မတို့လဲဒီလိုဘဲ ပါးစပ်က သိပ်ပြီးမပြောတတ်ခဲ့ဘူး
တကယ်တော့ လိုအပ်တယ်ဆိုတာ သိတာတောင် မကြာသေးပါဘူးလေ
နွေးထွေးတဲ့မိသားစုဘ၀ကို လူတိုင်းလိုချင်ကြပါတယ်ညီမလေးရယ်
Post a Comment