နှင်းမိုး ရဲ့ ဘလော့လေးမှ ကြိုဆိုပါတယ်...

Monday, 10 May 2010

ရေးဖို့တွေး


နှင်း ဒီည နက်ဖြန်တင်ဖို့ ပိုစ့်အတွက် စာရေးနော် တဲ့…။ ဇေကမှာလိုက်တယ်...။ အေးပါဟာ…ရေးမှာပါ…နက်ဖြန် ငါ့ပိုစ့်တင်မှာ စိတ်ချ…။ အင်းပြောသာပြောလိုက်ရတာ ဘာရေးရမှန်းတောင်မသိဘူး ။ အလုပ်က စောစောပြီးလို့ အဖေကလဲ လာကြိုနေပြီ ။ ကျွန်မရဲ့စီးတော်စက်ဘီးလေးကိုစီး၊ဖေဖေကလဲသူ့စက်ဘီးလေးနဲ့…၂စီးတူတူအိမ်ပြန်ခဲ့တယ်..။ ညတိုင်းဖေဖေ နဲ့စက်ဘီးစီးရတဲ့ အရသာက ဘာနဲ့မှမလဲနိုင်အောင်ပါပဲ…။လသာတဲ့ ညတွေဆိုစီးရတာ ပိုပြီးနှစ်သက်ဖွယ်ကောင်းတယ်ပေါ့..။ ညဘက်တိုက်တဲ့ လေကိုလဲ တမျိုးလေးခံစားမိတယ် ..။ အင်း…စက်ဘီးနင်းရင်းတွေးမိတာက ဒီည ဘာအကြောင်းရေးရင်ကောင်းမလဲပေါ့..။ဇေ လိုပဲ ဖေဖေ အကြောင်းရေးရင်ကောင်းမလား..။ ဒီနေ့မေလ ၉ ရက်နေ့ အမေနေ့တဲ့..။ဒီည ဘလော့တွေလိုက်ဖတ်တော့လဲ အမေအကြောင်းတွေပဲ ဖြစ်နေတယ်..။ကိုယ်က နက်ဖြန်မှ ပိုစ့်တင်မှာဆိုတော မမှီတော့ဘူးရယ်…။ ။တွေးရင်းနဲ့ အမှိုက်ပုံနားရောက်လာတယ်…။ ပြန်လာတဲ့လမ်းမှာ အမှိုက်ပုံအကြီးကြီးရှိတယ်..အရင်တုန်းက ကန်စွန်းခင်းပေါ့ ခုတော့ဘယ်လိုဖြစ်ပြီး အမှိုက်ပုံဖြစ်သွားပါလိမ့်.. ဒီနားရောက်တိုင်း အသက်ကို စက္ကန့် ၃၀ လောက်အောင့်ထားလိုက်တယ်..။အဲတော့…သမီးရည်းစား၂တွဲဒီမှာလာချိန်းတွေ့နေတယ်…အောင်မလေးလေး.. ဒီလောက်နံစော်နေတဲ့နေရာကိုများ..အင်းယားကန်အောင်မေ့နေလားမသိဘူးတော်..။အေးပေါ့လေ…သူတို့အတွက်တော့ ဒီနေရာက တမျိုးထူးခြားလို့နေပါလိမ့်မယ်..။တွေးနေရင်းနဲ့ အတွေးထဲ ချဉ်စုတ်စုတ် အနံ့ရောက်လာလို့ စက်ဘီးကို အသော့နင်းလိုက်တယ်..။ ရထားသံလမ်းမှာ ရထားလာလို့စောင့်ရင် ဒီညဘာရေးရင်ကောင်းမလဲ ဆိုပြီး..တွေးလိုက်..စဉ်းစားလိုက်နဲ့ရထားကြီးကလဲ အမြှီးလေးခါပြီး ထွက်သွားလေရဲ့….။အိမ်ရောက်ခါနီးတော့ ဟေးးးးဆိုပြီးအော်သံကြားလိုက်ရတော့…အော်ဟုတ်သားပဲ…ဒီနေ့ညနေမီးပျက်ရက်ပဲ…ညမှမီးလာမှာပေါ့..ခုမီးလာပြီးပဲ…။ ဟိုတွေးဒီတွေး တွေးလာတာ မှောင်နေတာတောင် သတိမထားမိလိုက်ဘူး..။ အိမ်ရောက်တော့ ကွန်ပျူတာ ကိုအရင်ဖွင့်လိုက်တယ်…ဘာရေးရင်ကောင်းမလဲဆိုပြီး စဉ်းစားနေတုန်း… အိမ်ရှေ့ တီဗီ က >> အိုပါး..အိုမား..အာပုကျိ<< ဆိုပြီး ကိုရီးယာစကားသံတွေ ကြောင့်စိတ်နဲနဲ တိုသွားတယ်..။ အိမ်က လူတွေကို စိတ်တိုသွားတာပါ…နားလည်ကြတာလဲမဟုတ်ပဲနဲ့ သူများဘာသာပြန်ထားပေးတာကို တိတ်တိတ်ဆိတ်ဆိတ်ကြည့်ကြတာမဟုတ်ဘူး…။ ခက်ပါရဲ့နော်…။ ခုထိ ဘာရေးရမသိလို့ ညစ်နေပါတယ်ဆိုမှပဲ…။ သူတို့အစီအစဉ်တွေ ပြီးမှပဲ ရေးတော့မယ်…ခုတော့ခြံထဲမှာ လေညင်းခံရင်း ကာဖီ သောာက်ရင်း စိတ်ကူးယဉ်လိုက်ဦးမယ်..။ ညဘက်တိုက်တဲ့လေက အေးတော့ ဇိမ်ခံမယ်စိတ်ကူး ကာမှ တ၀ှီဝှီ နဲ့ ခြင်တွေက ပွဲတော်တည်ဖို့ရောက်လာတယ်..။စပရေး ဖြန်းလို့လဲမရ..၊ခြင်ဆေးထွန်းလို့လဲမရ ဆိုတော့..အိမ်ထဲပြန်ဝင်လိုက်တယ်..။အတော်ပဲ…ကိုရီးယားကာလဲပြီးပြီ..။နာရီကြည့်လိုက်တော့ ၁၁း၃၀ ပြီ..။ အမေက သမီငယ်ညဥ့်မနက်နဲ့နော်..နက်ဖြန်ကျောင်းတက်ရမယ်မလား..တဲ့..။ ဟုတ်ပါရဲ့…နက်ဖြန် တနလာင်္နေ့ပဲ..။ ကျောင်းတက် ရမှာကိုမေ့ရအောင် အတွေးလွန်နေတယ်… ငါ့နှယ့်နော်…။
ကျောင်းကလဲ စောစောသွားရမှာဆိုတော့ အိပ်မှဖြစ်တော့မယ်..။ ဒီအချိန်အိပ်မှ နက်ဖြန်ကျောင်းမှာ ခေါင်းမူးမနေမှာ…။ဇေ့ ကိုလဲနက်ဖြန် ကြည့်ရွှီးလိုက် မယ်..မီးပျက်နေလို့ မရေးဖြစ်ဘူးပေါ့…။ မြန်မာနိုင်ငံ မီးအကြောင်း သူလဲသိတာပဲ…။ ကြုံတုန်းကြွား အုံးမယ် ဇေ ရေ…ငါတို့မြန်မာပြည်မှာ မီးခဏခဏ လာတယ်ဟ..။နင်တို့ ထိုင်းမှာတောင် တနေ့တခေါက်ပဲလာတာမလား..။း) ဒီညမီးပျက်လို့ဘာမှ မရေးဖြစ်ဘူး အိပ်တော့မယ်ဟာ…။


5 comments:

ချော (အစိမ်းရောင်လွင်ပြင်) said...

ဟုတ်တယ် မြန်မာပြည်မှာ မီးမလာတာ ထူးဆန်းတဲ့ကိစ္စ မဟုတ်တော့ဘဲ မီးလာတာတာ ပြောစရာ ဖြစ်နေပြီ..
အင်တာနက်သုံးရတဲ့ ဒုက္ခကရော.. ဘယ်လောက်များစိတ်မရှည်ချင်စရာကောင်းပါလိမ့်..
ပိုစ့်တင်မလို့ လုပ်ပါတယ်.. ကိုယ့်ဘလော့ထဲ
ဝင်မရလို့ ငုတ်တုတ်မေ့နေရတာ အကြိမ်ကြိမ်..
ဒီတော့ ရေးချင်တဲ့ အတွေးတွေကလဲ အဝေးကိုပြေးတာ ခနခန..

c said...

ဘာမှလည်း မရေးပဲနဲ့ လူလည်ကျတယ်
မီးမလာတာကို လွှဲချသွားသေးတယ်
လူလည်ကြီး သားသမီး

စန္ဒကူး said...

လာဖတ်သွားပါတယ်..း)

kiki said...

မီး မလာ တာ ပဲ ခပ်ကောင်းကောင်းးးး
စောစော အိပ်ရတာပေါ့ ။
အမှိုက်ပုံ ကလည်း နေရာတကာ ဆိုတော့
သမီးရည်းစားတွေ လည်း နေရာရွေးစရာ မရှိတော့လို့  နေမှာ ...

တွေးမိတာ ရေးသွားတယ် နှင်း ရေ ...

zin myo said...

ဆရာမကတော့ဆရာမပါပဲ..း)

အားလုံးပဲ ပျော်ရွှင်ဖွယ်နေ့လေးကိုပိုင်ဆိုင်နိုင်ပါစေနော်...