မိသားစုထမင်းဝိုင်း

မိသားစုရှိရင်ထမင်းဝိုင်းရှိတယ် ။ စုံတာမစုံတာတော့ အိမ်ကလူတွေရဲ့ စိတ်ထားပေါ်မှာ မူတည်ပါတယ် ။ တော်တော်များများ မိသားစုတွေကတော့ မိသားစုတွေစုံမှစားတတ်ကြပါတယ် ။ ဇေတွေ့ဘူးတဲ့ သူငယ်ချင်ွးအိမ်တွေမှာလဲ မိသားစုထမင်းဝိုင်းရှိတယ် ။ အလုံသစ်တောလမ်းက ဇေယျာမင်းခန့်တို့ဆို ထမင်းမစားခင် ဒေရှင်နယ်ရီအရင်ကြည့်ရတာ ၊ သူဖေဖေက အထူးကုဆရာဝန်ကြီး ၊ ထမင်းစားတိုင်း ဒီနေ့စကားလုံး အသစ်လေးလုံးလောက် ပြောစမ်းပါ ။ အဲလိုကြီး စားတိုင်းမေးတာ ။ အဲ မောင်ရင်လဲအကျင့်ပါသွားလိုက်တာ ၊ အိမ်မှာတခါတုန်းက ကြုံလို့ ကြုံတယ်ဆိုတာဒီလို ကျောက်တော်ကြီးဘုရားကို လာဖူးတာ လိုင်းကားနဲ့ ၊ မှတ်တိုင်မသိလို့ ခရေပင်လမ်းခွဲထိပါသွားတာ ။ အဲဒါနဲ့ အိမ်ကသွားခေါ်ပေးတော့ လိုက်လာရင်း ၊ ထမင်းမစားရသေးလို့ ထမင်းတူတူစားကြတာ အဲဒီမှာအဲ မောင်ကစဖောက်တာဘဲ ၊ မေမေက သူ့ကို စားလေ ကိုခန့် စားပါအားနာလို့လား စားပါ ။ ဟုတ် ဟုတ် နဲ့သာပြောနေတာ အဲကောင်ထမင်းသိပ်မ၀င်ဘူး ။ ထမင်းတလုပ်တလုပ်က ၂မိနစ်မတ်တင်း တနည်း ၂မိနစ်နဲ့၄၅စက္ကန့်လောက် ကြာတယ် ။ ဇေက မေမေသွားနားလေ သားတို့ဘာသာ စားမယ်ဆိုလို့ ပထုတ်လိုက်တော့မှ ၊

ဟေ့ကောင် ဇေမင်းမှာ အီးတူအီး တအုပ်လောက်မရှိဘူးလား ။

 အေးရှိတာပေါ့ ဘာလုပ်မလို့လဲ ထမင်းစားရင်းမတ်တပ်က

မဟုတ်ဘူး ငါလေးလုံးလောက် ကြည့်ချင်လို့ ။

အမ်ဘာလို့တုန်း …. ။

ငါထမင်းကိုမျိုလို့မရဘူးဖြစ်နေတယ်….။

အယ် ၊ ဖြစ်မှဖြစ်ရလေကွာ….။

ဟုတ်တယ် ငါအိမ်မှာနေ့တိုင်း လေးလုံးလေးလုံးစားခါနီးတိုင်းရွတ်နေကျဟ ၊ အော အဲဒါနဲ့စာအုပ်ယူပေး လိုက်တော့ ဒီမောင်လက်ဆေးပြီး စာအုပ်ကြည့်ပြီး စာကျက်တယ် ။ ပြီးတော့မှ ဇေ့ ကိုရွတ်ဖက်သရဇ္ဈာယ်ပြတာ  ပြီးလဲပြီးရော စားလိုက်တဲ့ဖြစ်ချင်း စကားပြန်ကို မရတော့ဘူး ။ ကောင်းလားလဲ မေးလို့မရ ။ အိုကေလားဆိုလဲ တခွန်းမှမပြော စားသောက်ပြီး အိမ်လိုက်ပို့ပေးလိုက်တယ် ။ ဒါက သူတို့အိမ်က ထမင်းဝိုင်းကလုပ်ပေးလိုက်တဲ့အကျင့် ။

နောက်တယောက်က မိန်းခလေး ခင်ဇာထက်တဲ့ ။ ခပေါင်းအိမ်ယာမှာ နေတယ် ။ သူတို့ ထမင်းဝိုင်းကျတော့ တမျိုး ၊သားမိသားဖ သုံးယောက်ဘဲရှိတယ် ။ ဟင်းက ၅ခွက်လောက် ချက်တယ် ။ သူတို့အဒေါ် မှတ်တယ် အဲ့ ဘွားတော်ကချက်တာ ။ တခါတရံ အန်တီနွယ် ချက်တယ် ။ အန်တီနွယ်က ထက်ရဲ့မေမေလေ ။ သူ့ဖေဖေက စီးပွားရေးဘဏ် ၂ ကအရာရှိ ။ ဒီလိုပါဘဲ လူစုံမှစားကြတာ ။ စားရင်လေးယောက်ပေါ့ သူတို့က ၊

ဖအေက စပြောတယ်း ငန်တယ်ဟေ့ ဒီဟင်း ၊

သမီးး ဟုတ်ပ ၊

အမေး ဟိုဟင်းကလဲစပ်တာ ဟာ ၊

ချက်တဲ့ဘွားတော်း ကဲကြိုက်မှသုံးဆောင်ကြဟေ့ မကြိုက်ရင်သွန်ပလိုက် ၊ ဒီလောက် အကောင်းကြိုက်ရင်လဲ ကိုယ့်ဘာသာကိုယ်ချက်ကြ ၊

အန်တီနွယ်း အောင်မလေးအေ ဟင်းလေးချက်ရတာများ စကားကြီးစကားကျယ် ပြောနေလိုက်တာ ၊

ထက်ကး ဟုတ်ပ အန်တီလေးကလဲ ၊

ဖခင်ကြီးး အော် ခတ် လိုက်တာ ငါနှယ် ငံတာတောင်မပြောရပါလား ၊ ဒီမိန်းမကိုရကတည်းက ဟင်းလဲတခါမှအစပ် တဲ့တဲ့မစားရပါဘူး ၊

  ထက်တို့အမေး ဒါကဘာစကားလဲ စကားပြောတာကြည့်ပြော ရှင့်ကိုယူတုန်းက ဟင်းအစပ်တည့်တည့် ချက်ကြွေးပါမယ်လို့ ကျမ်းကြိမ်ထားလို့လား ဘာလားညာလား ၊

ထက်ကး သူဖေဖေဘက်ကနေ ၀င်ပြောတယ် ၊မေမေစားပါ စကားပြောမနဲ့တော်ကြာရန်ဖြစ်နေအုံးမယ်  ။

ထက်မေမေး ဟကောင်မနင် စကားမများနဲ့ ညီးကညီးအဖေဘက်က ကာစီးကာစီး နဲ့ ညီးရော ဘာအားကိုးရလို့တုန်း ။ ဟင်းချက်တာ ကြတ်သွန်တဥလှီးပေးဘူးလား ၊ ဒီလောက်ချက်ရတာငံတဲ့အခါငံမပေါ့ ။ ဆိုငြင်းခုန်ပြီး ရန်ပွဲလဲပြီးရော ထမင်းပွဲသိမ်း ခါတိုင်းလိုဘဲ ပြန်ဖြစ်သွားပြန်ရော ။ ဆယ်တန်း တုန်းက ကမာရွတ်မှာ ကျောင်းတက်တာဆိုတော့ ထက်ကအိမ်မှာ မကြာခဏဆိုသလို အ၀င်အ  ထွက်လေးရှိတယ် ။ ရံဖန်ရန်ခါ ထမင်းစားတယ် ။ စားတဲ့အခါတိုင်း သူပြဿနာရှာတယ် ။ သူနဲ့ထမင်းစားရမှာ လန့်လန့်လာတယ် ၊ သူ့ကိုအရင်ကြွေးရင်လဲ မစားဘူး ။ တူတူစားတော့လဲ ကွိုင်သိပ်ရှာတယ် ။ (အော်ကွိုင်ဆိုတာပြဿနာကိုပြောတာနော် ။ တော်ကြာ ထမင်းစားရင်းနဲ့ ဘယ်ရောက်သွား ပါလိမ့်နဲ့ တွေးနေမှာဆိုလို့) ။

ဟဲဇေ့ ဆားဗူးလေးပေးစမ်းပါဟာ ရော့ နဲနဲပေါ့တယ်နော် ၊ ဆော့ လေးမရနိုင်ဘူးလား ၊ ငါ့ပုဂံထဲကဟင်းကို နင်စားလိုက်ဟာ နဲနဲနယ်ပေးအုံး ။

ဟာရှုတ်ပွနေတာဘဲ မပြီးတော့ဘူး ။ ကိုယ့်အိမ်မှာ စားနေတာဆိုတော့လဲ ပြောရတာ ဂွတော့ကျတယ် ။ တော်ကြာပြော လိုက်လို့ စိတ်မကောင်းဖြစ်သွားမှာဆိုးလို့ သည်းခံရတယ် ၊ ကိုကိုတွေကိုလဲ သူမကြောက်တတ်ဘူး ။ ဟိုကလဲ လူကြီးတွေဆိုတော့ သူ့ကိုချစ်တယ် ။ သူကလဲ အိမ်ကို သူ့အိမ်လိုဘဲ မှတ်ထားတယ်ထင်တယ် ။ နောက်ဆုံး ပြဿနာရှာစရာမရှိရင် ၊ ထမင်းစားခါနီးရင် ဖြူကွတ်နဲ့ ငမဲက ခုံအောက်ကိုလာနေတတ်တယ် ။ အဲဒီခွေးနှစ်ကောင်ကို ပြဿနာရှာတယ် ။

ဟဲ့ဇေနင်မရွံ့ဘူးလား ဟင် ၊ ဒီခွေးနှစ်ကောင်အနံ့ ကငါစားလို့မရဘူး ၊ ရွေ့ပေး

 ဟာ ဘာဆိုင်လဲ နင့်လိုမှတ်လို့လား ဖြူကွတ်က နင့်ထက်မွှေးတယ် ၊ ငမဲက နင့်ထက်သန့်တယ် ။ စားချင်စားမစားချင်နေ ငါမရွေ့ပေးနိုင်ဘူး ၊ ရွေ့လဲသူတို့က သွားမှာမဟုတ်ဘူး ၊

ဒါဆိုငါမစားတော့ဘူး ရွေ့ပေးရမယ်

မရွေ့ပေးနိုင်ဘူး သူတို့ကနေနေကျ ။

အဲဒါဆို ငါ မစားတော့ဘူး ။

နေပေါ့ အကုန်ကျတောင်သက်သာသေးတယ် ။ အဲဒါနဲ့စောင့်ကြီးအောင့်ကြီးနဲ့စား သောက်ပြီး ပြန်ပို့တော့လဲ အရင်လိုဘဲ ၊ ထမင်းစားခါနီးမှ သူက ပြဿနာရှာတတ်တာ ။

ဇေတို့ကျတော့ တမျိုး ထမင်းစားခါနီးအရင်ဆုံး စကားပြောတယ် ။ ရီတယ် ။ ထမင်းခူးကတည်းက ရီတာ ရီပြီးတာနဲ့ ပြဿနာစတယ် ။ ဟင်းခတ် ပါးကိုထည့်ပေး ၊ ဟိုအကြီးကောင်က မေမေထဲထည့်ပေး ၊ အလတ်ကောင်က ငါးကြော်ရင် ခေါင်းပိုင်းကို အကိုကြီးကို ထည့်ပေး ၊ ဂါရဝေါစ နိဝါတောစကြောင့် ဦးချတာမဟုတ်ဘူး ။ ခေါင်းဆိုတော့ အရိုးများလို့ အကြီးကောင်ထဲ အရင်ထည့်ပေးတာ ဒါမှသူကနောက်ပိုင်းတို့ ခါးပိုင်းတို့ရမှာ ။ အကြီးကောင်ကလဲ လူလည်ဘဲ ၊ အလကားကောင်မှမဟုတ်တာ သူ့ပန်ကန်ထဲပြန်ထည့်ပေး ၊ အဲဒါကနေ ဇေ့ပုဂံထဲရောက်လာ ၊ ဇေ့ပုဂံကနေ…..အလတ်ကောင် ၊ အလတ်ကောင် ကောင်ကနေ အကြီး ၊ အကြီးအလတ်အငယ် အဲလို ဟင်းတုန်းက ဒေသစာရီ ၃ ပတ်လောက် ကြွချီပြီး မှနဂိုမူရင်း ဟင်းပုဂံထဲပြန်ရောက် ၊ အဲကျမှ ဟင်းပုဂံထဲကကြက်ဆိုလဲ ပေါင်သား ၊ ငါးကြော်ရင်လဲ ခါးပိုင်း အလုအယက်စားသောက်ပြီး ခုနက လယ်တယ်ပူတယ် ဖြစ်နေတဲ့ အတုံးကိုအရိုးမပါအောင် ပုဂံထဲမှာဘဲ ဇွန်းနဲ့လှည့်ပတ်ခတ် ၊ အကြီးကောင်ကဟောက်၊ အလတ်ကောင်က မျက်စောင်းထိုးနဲ့ မသထာရေစာလား ၊ ဘာလားတော့ မသိဘူး ၊ တော်တော်စားကောင်းတယ် ။ ဒါမို့လို့ အရိုးမပါတဲ့ ဟင်းချက်တဲ့နေ့ဆို စားလို့ သိပ်မကောင်းဘူး ။ ဒါက ဇေတို့ညီကိုယ်သုံးယောက်ရဲ့ ပြဿနာ ။

အိမ်ဦးနတ်ကြီးနဲ့ အိမ်ဦးနတ်ကြီးရဲ့ကတော်တို့ရဲ့ ပြဿနာကိုလေ့လာကြည့်လိုက်တော့ ဒီလို ၊

မေမေး  ဖေကြီးတော်မနေက ဇာတ်လမ်းတွဲစီဒီ ဘယ်သိမ်းခဲ့တုန်း ။ နေ့လည်က ရှာလိုက်ရတာ မူးနေ တာဘဲ ။

ဖေဖေး  မသိဘူးလေကွာ ။

မေမေး  မသိလို့ရမလား ။ ဒီမှာပြီးသေးတာမဟုတ်ဘူး တိုးလို့တန်းလန်းကြီးနဲ့ဟာ ။

ဖေဖေး မသိပါဘူးဆို ခလေးတွေမေးကြည့်လေ ။

မေမေး ဘာလို့မေးကြည့်ရမှာလဲ ရှင်မသိဘူးလား ။ ရှင်ဘဲမနေ့က နောက်ဆုံးမလား ။

ဖေဖေး  အေးကွာ ဟုတ်ပီစဉ်းစားပေးမယ် ။

မေမေး  မရဘူးရှာပေးရမှာ ဒီက ထမင်းစားပြီးတာနဲ့  ဆက်ကြည့်ရမှာတော့ ။

ဖေဖေး  ဟေ့ခလေးတွေ မင်းမေမေစီဒီခွေ ယူသိမ်းထားသေးလား ။

ဟင့်အင်း မကိုင်ပါဘူး သားတို့မှမကြည့်တာ ၊

ဖေဖေး  မေးလိုက်ရင်ဘယ်သူမှသိတယ် မရှိဘူး ။ ဒါဆိုစီဒီခွေက ခြေထောက်ပေါက်ပြီး ဘယ်ကို သွားတာလဲ ။

ဇေး  ဟာဗျာမသိဘူး ။ သိပ်ရစ်တာဘဲ ထမင်းကိုကောင်း ကောင်းမစားရဘူး ။

ဟုတ်ပသားရာ မင်းမေမေက ဘာမှန်းမသိဘူး ။

 အကြီးကောင်ကး တစ်စခမ်းထပြီး ဖေဖေကလဲ ဟုတ်တာဘဲ မေမေကြည့်တဲ့အခွေကို သေချာချာသိမ်းမှပေါ့ ။

ဇေကလဲး ဘာဟုတ်တာလဲ မင်းမေမေက ကိုယ့်စီဒီကိုယ်သိမ်းပေါ့ ဘာလို့ ဖေဖေ့ကို သိမ်းခိုင်းတာလဲ ၊

အလတ်ကောင်း ဟိုကောင်မင်းက လူကြီးတွေစကားထဲ ၀င်ဝင်ပါတယ် ။ မင်းဟာ ဘယ်လောက်ပြောပြော အမှတ်သဲခြေမရှိဘူး ။ သောက်သုံးကျမဲ့ ကောင်မဟုတ်ဘူး ၊

 ဖေဖေး အလတ်ကောင် ကိုယ့်ညီလေးကိုအဲလို မပြောရဘူးဟ ၊

အကြီးကောင်း ဖေဖေကလဲ ဖေဖေဘဲ ဒီကောင်ဆို သိပ်ပစားပေးတယ် ။ ဒီကောင်က အရောင့်သိပ်တပ်တာ ။ မေမေ့ကိုတောင် အော်လား ငေါက်လားနဲ့ ။

ဖေဖေး ကဲတော်ကြတော့ ဟိုအရိုးတွေ ဖြူကွတ် ကိုကျွေးလိုက် ၊ ဒီအရိုးက ငမဲကိုကျွေး ရော့ ဇေပုဂံဆေး ၊ မေကြီးလာဟေ့ ၊ ပုဂံတွေကိုခလေးတွေနဲ့ ထားခဲ့ ။ 

အဲဒါ နေ့တိုင်း ထမင်းစားရင်းနဲ့ ကြုံတွေ့ရတဲ့ပြဿနာပါ ။ နေ့တိုင်းဘဲ တခုမဟုတ်တခုနဲ့ ပြဿနာတတ်ပါတယ် ။ စကားများတယ်ဆိုပေမဲ့လဲ အနိစ္စလက္ခဏာထင်ရှားတော့ ထမင်းစား ချိန်တတ်တဲ့ပြဿနာက ထမင်းစားပွဲသိမ်းတဲ့အထိမခံပါဘူး ။ ထမင်းပွဲပြီးတာနဲ့ ရန်ပွဲလဲ အလိုလို ငြိမ်းပါတယ် ။ အဲဒီအသံ အဲဒီဂီတတွေ နားယဉ်လာလို့ ပြည်ပရောက်တဲ့အခါမှာ ပြဿနာတတ်ပါ တယ် ။ ထမင်းစားရတာ ခြောက်တောက်တောက်ကြီးမို့ စားလို့လဲမကောင်းပါဘူး ။ အိမ်ကထမင်းဝိုင်းကို တွေးပြီးလွမ်းမှိပါတယ် ။ ဒါကြောင့် ထမင်းစားခါနီး ပြဿနာတခုကို အမြဲရှာပါတယ် ။ အနည်းဆုံး သူငယ်ချင်းတွေရဲ့ ဟိုလွန်ခဲ့တဲ့ရက်က အပြစ်တွေ အသုံးမကျတာတွေကို ထမင်းစုစားတဲ့အခါ ပြောဖြစ်ပါတယ် ။ အပတ်စဉ် ဗုဒ္ဓဟူးနေ့တိုင်းမှာလဲ တနေ့စာ အစားအသောက်ကို ချက်ပြုတ်ကျွေးမွေးပါတယ် ။ သူငယ်ချင်းပေါင်း ၆ ယောက်တို့ဟာလဲ အဆူခံ အဆဲခံချင်လွန်းလို့လားမသိပါ ။ ကျွန်တော်မပါရင် ထမင်းကို မစားတော့ပါဘူး ။ ဗုဒ္ဓဟူးနေ့ဆိုရင် လူမရှိရင်တောင် ထမင်းပြန်လာမှ စားဘို့ စာရွတ်ခ လေးနဲ့ အခန်းဝမှာချိတ်ဆွဲ သတိပေးထားခဲ့ပါတယ် ။ အမျိုးသားစည်းကမ်းအစ စာသင်ကျောင်းကလို့ ဆိုပါတယ် ။ စာသင်ကျောင်းက သင်ပေးလိုက်တဲ့စာထဲမှာ ထမင်းမြိန်အောင် စားသောက်တဲ့နည်းကို ထည့်သွင်းသင်ကြားပေးတာမရှိပါဘူး ။ ဒါကြောင့် အမျိုးသားများ တတ်အပ်တဲ့ အဌာရဿ တဆယ့်ရှစ်ပါးမှာ တဆယ့်ကိုပါးမြောက် အတတ်ပညာတခုအနေနဲ့ ထမင်းမြိန်အောင် စားသောက်တတ်ဘို့ကို ထည့်သွင်းသင်ကြားပေးရင် ကောင်းလိမ့်မယ်လို့လဲတွေးမှိပါတယ် ။ ဘယ်လိုဘဲဖြစ်ဖြစ် မိသားစုထမင်းဝိုင်းဆိုတာ အတတ်ပညာ တခုခုကိုသော်လည်းကောင်း ၊ အသိပညာ တခုခုကိုသော်လည်းကောင်း ဖြန့်ဖြူးလို့ရကောင်းတဲ့ နေရာတခုဖြစ်တယ်ဆိုတာ အားလုံးသတိထားမှိကြမှာပါ ။

ဒါကြောင့် မိခင်ဖြစ်တဲ့အခါ အန်တီနှင်းအနေနဲ့ ခလေးတွေကို ဒေရှင်နယ်ရီကြည့်ခိုင်းမှာလား ၊ ထက်တို့ မိသားစုလို တရားခံရှာမှာလား ။ ဇေတို့မိသားစုလို လုပ်မှာလားလို့ တွေးကြည့်စေလိုပါတယ်……………..။ ပရိတ်သတ်များ ခင်မျာ ။ ကျွန်တော် မရွှေနှင်းကိုသာ ပြောပြနေခြင်း ဖြစ်ပါတယ် ……..။

ကျွန်တော်ဇေတာရာပါခင်မျာ……..။